Ertu (sið)blindur?

Er lögreglan á suðurnesjum ekki fræg fyrir að efla varnir Íslands gegn innflutningi ólöglegra efna rétt eins og Blönduóslögreglan fyrir hraðakstur?

Það að verja landið kostar pening.  Ef það á að reka þessar varnir með naumhyggjuna að vopni þá er eins gott að lögleiða vímuefni og þá er allt í góðu.

Það væri nær að líta sér nær.  Ég veit ekki betur en annað hvert ráðuneyti þ.e.a.s. sjálft ráðuneytið, ekki stofnanir undir því, séu rekin langt yfir fjárveitingum.  Ekki er auglýst eftir nýjum ráðherrum sem geta rekið þessi ráðuneyti betur. 

Björn segir að fylla þurfi skörðin

Erfitt einum færri

Það var ekki nema von að City ætti í erfiðleikum.

 Byrjunarliðin sem gefin eru upp í beinni textalýsingu segja allt.  Danirnir byrjuðu með 10 inná en City aðeins 9.  Það er erfitt.

Man.City slapp fyrir horn í Danmörku

Bein lýsing

Þetta er mögnuð bein lýsing.  Annað hvort eru leikmennirnir farnir í sturtu eða sá sem lýsir

Magnús tryggði Blikum sæti í undanúrslitum

Heil umferð - umfjöllun um einn leik

Morgunblaðið stendur sig ekki vel í umfjöllun um kvennafótbolta þrátt fyrir stór orð um framfarir sbr. landsliðið.  Það er heil umferð spiluð en sagt frá einum leik.  Þetta er hræðilegt þegar það er sagt frá hverri mínútu í umfjöllun um úrvalsdeild karla.  Ætla íþróttafréttamenn að gæða sér á landsliðinu en senda úrslit úr kvennaboltanum enn á milli með telextækjum.  Hvernig væri að girða sig í brók og gera þessu aðeins betri skil.

Valur lagði Stjörnuna, 5:0

Vinna heimavinnuna

Þór/KA vann sinn annan leik í röð í deildinni og var þar af leiðandi ekki að fá sín fyrstu stig.  Þær eru í fjórða sæti með 6 stig og hafa unnið tvo og tapað tveimur (fyrir val og kr).  Spurning um að vinna heimavinnuna sína sem blaðamaður.

Naumur sigur Vals en stórsigur hjá KR

Alvöru mót

Evrópumótið hefst í júní og endar riðlakeppnin í janúar þegar sviss og Tyrkland etja kappi.  Hvenær framhaldið verður er óljóst.  Kannski í mars.

EM: Heimsmeistararnir með elsta liðið

Ástandið

Er Nína komin í ástandið?   

Til hamingju með þetta "ástand", það verður væntanlega afrekskylfingur sem kemur í heiminn í haust.

„Keppi eins lengi og ég get“

Að leita langt yfir skammt

Það er aldeilis völlur á HSÍ mönnum.  Það er hið besta mál að vilja fara að fá meira út úr markvörslunni hjá landsliðinu og því er það eina rétta að leita til reyndra markvarða.  Ég held að einhverjir íslenskir markverðir eigi fleiri landsleiki en Hellgren og meiri reynslu.  Það er spurning hvort þetta sé að leita langt yfir skammt.  Vilja íslenskir reyndir markmenn ekki hjálpa HSÍ eða er sambandið bara yfir það hafið að leita til þeirra sem hafa fórnað sér í þágu landans og aðstoða þá við að afla sér þjálfunarmenntunar.  Það væri að hugsa til langframa.  Ef íslenskir fyrrverandi landsliðsmarkmenn eru sendir á þjálfaranámskeið og svo nýttir til að þróa og þjálfa landsliðsmarkverði þá væri ekki verið að tjalda til einnar nætur.  Ef venjulegir þjálfarar eru sendir á markmannsþjálfaranámskeið þá verða þeir e.t.v. betri markmannsþjálfarar en það er nú einu sinni þannig a.m.k. hér heima að þessi þáttur snýr oft frekar að skotmanninum á æfingum en markmanninum.  Því held ég að það ætti að reyna að búa til íslenska markmannsþjálfara úr gömlum markmönnum.

 

En það er bara mín skoðun.. HSÍ hefur e.t.v. reynt þessa leið eða líst ekki  á hana.

Hellgren gefur ráð

Burma

Ég man ekki eftir að hafa séð að forsetinn sendi samúðarskeyti til Burma en það gæti hafa farið fram hjá mér.  Ef hann hefur ekki gert það lítur þetta út fyrir að vera smá smjaður fyrir kínverskum "mannúðarstjórnvöldum"  enda á leið á Olympíuleikana væntanlega.  Vona þó að hann hafi sent til Burma enda ekki síður þörf á hughreystingu þar en í Kína.

Forseti Íslands sendir samúðarkveðjur

Kjaftæði

Það er ekki skortur á leiðbeinendum í handbolta úti á landi.  Það er skortur á áhuga hjá H.S.Í. að liðum úti á landi gangi vel.  H.S.Í. hefur stundum farið í ferð um landið en það er meira af skyldurækni en einhverjum áhuga.  Það sama á við um landsleiki.  Þeir mæta á staði og vígja íþróttahús sem er hið besta mál en þegar kemur að því að koma til móts við lið sem eru að reyna þá er komið að tómum kofanum.  Vilji til að leyfa liðum langt utan af landi að spila fleiri leiki í hverri ferð eða láta það viðgangast að lið af höfuðborgarsvæðinu mæti ekki í túrneringar úti á landi vegna fjarlægðar segir sitt um áhugaleysi handknattleikforystunnar.  Ég fullyrði að það er áhugi á handbolta úti á landi.  H.S.Í. stendur KKÍ og KSÍ langt að baki með upplýsingum á heimasíðu og umgjörðum í kringum margt.  Ég get tekið sem dæmi að H.S.Í. gerði "ægilega" góðan samning við DHL að mig minnir (gæti þó hafa verið annað fyrirtæki)  eitt árið og átti að rífa upp umfjöllun og heimasíða deildarinnar var tengd fyrirtækinu en þar átti að taka saman tölfræði leikmanna um ýmislegt eins og KKÍ gerir en það var ekki blaðra heldur sápukúla sem sprakk áður en hún flaug af stað.  Metnaður var enginn.

 Þegar HSÍ er undirmannað og kvartar stanslaust undan peningavandræðum þá er ekki vænlegt til árangur til langs tíma litið að eyða töluverðum tíma til að koma af stað handknattleiksliði úti á landi.  Það þarf hvatningu frá þeim og lifandi áhuga, ekki bara áhuga á úrvalsdeild karla og karlalandsliðinu.  En kannski er þetta að breytast, vonandi.

 

Handboltinn gefur eftir