Ofurlaunin

Maðurinn fær ekki nema 2 milljónir í laun á mánuði.  Mikið er það nú gott að tími ofurlauna er liðinn.  Hann er ekki með nema brot af því sem fyrrverandi stjóri Kaupþings hafði.  Þetta er skv. frétt stöðvar 2.  En halló.... atvinnulausir eru með 100 þús.  Kennarar um 250 þús.  hvaða rugl er þetta.  Milljón er meira að segja mikið, mjög mikið.  

 Svo er spurning hvort að það sé ekki einhver hagfræðingur sem er ótengdur ríkisstjórninni hæfari og líklegri til að lægja öldurnar.

Nýr bankastjóri Nýja Kaupþings

Frábær sigur

Góður sigur hjá okkar mönnum.

Vörnin stóð sig vel og miðjan var fín.  Sóknarleikurinn var þó slakur með Emil sem langlélegasta mann.  Birkir Már vann sig inn í leikinn en Emil var úti á þekju, aldrei í takt. 

Frábær leikur hjá flestum öðrum.

Gunnleifur, Aron, Stefán, Kristján, Hemmi, Indriði og Grétar bestir.

Veigar tryggði 1:0 sigur á Makedónum

Það er nú meiri eymdin hjá þjóðinni

Auðvitað er slæmt að missa vinnuna.  Ráðamenn banka og ríkis hafa gert dálítið í buxurnar og það er einhver slæm lykt af þessu öllu.  En er eymd hjá þjóðinni.  Það er vöruskortur í búðum því menn hamstra svo mikið, það er örtröð í verslunarmiðstöðvum sem eru að opna, Kringlukast var fjölmennt, veitingastaðir eru / voru vel sóttir (um síðustu helgi).  Hinn almenni launþegi sem ekki náði kökusneið af velmeguninni fær enn greidd laun.  Sparnaður hefur horfið hjá mörgum en lífið heldur áfram.

Nú ætti ríkið að gera tvennt. 

1)   Ríkisvæða kvótann.  Koma honum í hendur sveitarfélaga úti á landi þannig að hann verður þar.  Úr því að hægt var að yfirtaka bankana hlýtur að vera hægt að gera slíkt hið sama með kvótann því að hann hefur verið misnotaður til að búa til þessi bankaveldi.   Ekki gefa þessum mönnum tækifæri til þess að nota kvótann til að koma sér á fætur á ný.  Þeir verða að taka sér hamar og sög í hönd eða hníf og fara í frystihús. 

2)  Frysta eigur þeirra manna sem fóru með bankana á hausinn.  Það ætti náttúrulega að hafa gerst á sama tíma og bankarnir voru teknir yfir.  Stjórnendur eru sjálfsagt komnir með reikninga á Cayman eyjum eða í Sviss þar sem ríkisstjórnin getur ekki nálgast þá núna.

En við þessi venjulegu erum náttúrulega að fá verðbólgu í hausinn og gengisfall krónunnar.  En við getum ekkert gert.  Ef við æsum okkur yfir þessu þá látum við þetta fara með okkur andlega, líkamlega og fjárhagslega.  Látum þetta fjárhagslega áfall duga, höldum andlegu og líkamlegu hreysti, hættum að horfa á sjónvarp, hlusta á útvarp, lesa blöðin.  Drífum okkur út að ganga, hjóla, hlaupa, horfa á börnin okkar og hlæja með þeim.

Þá líður okkur strax betur.

Bankamenn í tilfinningarússi

spjöld sögunnar

Það sem kemst á spjöld sögunnar er ansi margt.  Mig fer að langa að lesa á þessi spjöld, þar leynist margt en kannski ekkert rosalega merkilegt.  Ætli sá sem hefur skorað bæði á Jan Mayen og á Álandseyjum sé á spjaldi.  Eða eru þetta spjöld, eitt spjald fyrir hverja færslu, veit það ekki.  Ég kemst kannski á spjöld sögunnar fyrir að vera eini maðurinn sem ólst upp í Fylki og spilaði bæði með Kormáki frá Hvammstanga sem og Royn í Hvalba í Færeyjum.  Efast um að nokkur annar hafi gert þetta.

Herra Skandinavía

lenda í þessu

Alveg merkilegt að þau hafi lent í því tvisvar að eignast barn....  Ætli það sé svipað og að lenda í árekstri eða lenda í Keflavík.

Dómari á fæðingardeildina

Ertu (sið)blindur?

Er lögreglan á suðurnesjum ekki fræg fyrir að efla varnir Íslands gegn innflutningi ólöglegra efna rétt eins og Blönduóslögreglan fyrir hraðakstur?

Það að verja landið kostar pening.  Ef það á að reka þessar varnir með naumhyggjuna að vopni þá er eins gott að lögleiða vímuefni og þá er allt í góðu.

Það væri nær að líta sér nær.  Ég veit ekki betur en annað hvert ráðuneyti þ.e.a.s. sjálft ráðuneytið, ekki stofnanir undir því, séu rekin langt yfir fjárveitingum.  Ekki er auglýst eftir nýjum ráðherrum sem geta rekið þessi ráðuneyti betur. 

Björn segir að fylla þurfi skörðin

Erfitt einum færri

Það var ekki nema von að City ætti í erfiðleikum.

 Byrjunarliðin sem gefin eru upp í beinni textalýsingu segja allt.  Danirnir byrjuðu með 10 inná en City aðeins 9.  Það er erfitt.

Man.City slapp fyrir horn í Danmörku

Bein lýsing

Þetta er mögnuð bein lýsing.  Annað hvort eru leikmennirnir farnir í sturtu eða sá sem lýsir

Magnús tryggði Blikum sæti í undanúrslitum

Er íþróttafréttamaðurinn F.H.ingur?

Ég er að horfa á leikinn í sjónvarpinu og verð ég að segja að F.H.ingar voru heppnir, vægast sagt að Kristinn skyldi dæma aukaspyrnu þegar Fylkir skoraði nokkuð löglegt mark.  Þegar F.H.ingar skora aftur á móti heldur Fjalar boltanum og sparka F.H.ingar boltanum úr höndum hans sem er klárlega aukaspyrna.  Þannig að staðan ætti að vera 1 - 0 fyrir Fylki eða 0 - 0.  Þeir sem lýsa eru nokkuð sammála þessu.  Spurning með brot þegar Fylkir skorar en klárt brot þegar F.H. ingar skora.

Jóhann hetjan í sigri Fylkis á FH

Heil umferð - umfjöllun um einn leik

Morgunblaðið stendur sig ekki vel í umfjöllun um kvennafótbolta þrátt fyrir stór orð um framfarir sbr. landsliðið.  Það er heil umferð spiluð en sagt frá einum leik.  Þetta er hræðilegt þegar það er sagt frá hverri mínútu í umfjöllun um úrvalsdeild karla.  Ætla íþróttafréttamenn að gæða sér á landsliðinu en senda úrslit úr kvennaboltanum enn á milli með telextækjum.  Hvernig væri að girða sig í brók og gera þessu aðeins betri skil.

Valur lagði Stjörnuna, 5:0