Dómgæslan og fleira

Í Mogganum í dag var athyglisvert að sjá hve lága einkunn dómarar fengu.  Flestir voru með 3 sem er svo sem ágætt ef hæst er gefið 5 en mjög dapurt ef gefið er upp í 10.  Einn var með 4 sem er gott af 5.  Ég vona að hæst sé gefið 5 en þá er skrítið að einungis 1 dómari af 6 hafi verið góður.

Annað er einkunnagjöf leikmanna M-in.  Í toppslagnum fá sex leikmenn eitt M hver, þar af 4 Keflvíkingar en 2 Fylkismenn, samt sem áður segir í texta um leikinn að Fylkismenn hafi verið ferskari.  Gott og vel, Fylkir betra liðið en samt fleiri Keflvíkingar betri en Fylkismenn.  Næ þessu ekki alveg.  Eða verður sigurliðið að fá fleiri M.

Ég held samt að blaðamaður Moggans sé að falla í sömu gryfju og í fyrra þegar Fylkismenn fengu ansi hreint fá M framan af móti því að það bjóst enginn við neinu og því óþarfi að hrósa að óþörfu.  Þegar upp var staðið urðu þeir í 3ja sæti en með færri M en næstu lið fyrir neðan....

„Klárlega rangur dómur“